Богати кореографии кои личеа на минипретстави покажаа натпреварувачите на Светското првенство во латино танци, кое се одржува во скопскиот хотел „Александар палас“.
Различни пораки и приказни гледавме во неколкуминутниот танц на натпреварувачите, секој оригинален на свој начин, со интересна и кореографија и сценографија.
Со музика карактеристична за темата на танцот, дел од танчарите ги претставуваа европските градови, како Париз, преку романтиката, тангото и ориентот, а имаше и пораки за спас на планетата и подигање еколошка свест.
Светското првенство започна на 6 ноември и ќе трае до утре (10 ноември). Учествуваат над 2.000 танчари од 22 земји, кои се натпреваруваат во повеќе категории: детска, јуниорска и возрасна.
Танчарите прикажаа соло изведби, рутини за парови и групни настапи. На првенството нема финале, награди се доделуваат секој ден, зависно од категориите и возраста, а за најдобрите гласа интернационално жири. Организатори се танцовите студија „Ит д бит“ и „Брејк а лег“.
М. ЏАРОВСКА
