Хрватскиот кантавтор Златан Стипшиќ-Џибони ќе одржи концерт во Скопје на 17 февруари следната година во салата „Јане Сандански“, најави „Авалон продукција“. Џибони оваа година имаше два концерта во Арената во Загреб и два во Арената во Белград пред вкупно 80.000 луѓе.
Музичката кариера ја започна со хеви метал бендот „Осми путник“, со кој има снимено три албуми, а соработувал и со Оливер Драгојевиќ и Дино Дворник. Како соло пејач има издадено 19 албуми, од кои дел се концертни снимки и колекција со најголемите хитови.
Влезниците ќе бидат во продажба од утре (27 декември) онлајн на ticketx.mk и во нивната продажна мрежа низ Македонија по цени од 990 до 2.000 денари.
(Фото: Фејсбук)
