Турските автори и илустратори Гизем Ѓозде Учар и Угур Алтун ќе бидат гости на претстојното шесто издание на Меѓународниот фестивал за литература и илустрација за деца Литера. Фестивалот ќе се одржува од 15 до 18 мај во Младински културен центар во Скопје.
Дел од нивните дела ќе бидат изложени за време на фестивалот, а тие ќе одржат и работилници.
Во рамките на Литера ќе се одржи и саем на литература за деца, на кој македонските издавачи ќе имаат можност да ги претстават своите најнови изданија. Ќе има и средби со автори и промотивни настани.
