Невообичаена изложба од денеска може да се види пред домот на велешкиот уметник Ангел Петров. Посветена е на Гоце Делчев, кој заедно со Коста Рацин, беше чест мотив на делата на академскиот сликар.
„Изложбата е во чест на 150-годишнината од раѓањето на Делчев. Поставените портрети се дело на Ангел Петров, работени во различни техники: масло, пастел, туш, молив или комбинирана техника“, соопштија од фондацијата „Ангел Петров“.
Изложбата ќе биде поставена до 7 февруари на улицата Архиепископ Михаил бр. 11.
Петров е роден, твореше и почина во Велес. Им предаваше на илјадници ученици како професор по ликовно образование.
П. ПЕЧКОВ
