Министерот за здравство Венко Филипче изјави дека вирусот слабее, иако бројката нови случаи на коронавирус во земјата денеска достигна нови рекордни височини, од што најголем дел отпаѓа на Скопје.
- Пациент од Кумановско (52 години) и 68-годишна скопјанка се последните жртви на КОВИД-19 во земјата.
- Вкупната бројка починати сега изнесува 149.
- Во изминатите 24 часа се потврдени дури 180 нови случаи на зараза (од 1.272 тестови), дури 60 повеќе во однос на вчера.
- Дури 109 од новите случаи се во Скопје, па следуваат Куманово со 26, Штип со 15 и Тетово со 12, Дебар го потврди враќањето на вирусот по 45 дена, а Битола по две недели.
- Во Македонија досега има 2.790 заразени со коронавирус, додека бројката активни случаи порасна на повеќе од 1.000, а 1.632 лица оздравеле.
- „Порастот на бројката на позитивни случаи во изминатите денови се должи на зголемениот обем на тестирања на асимптоматски случаи и на лица во изолација. Вирусот значително слабее, речиси 90 проценти од новозаболените се со лесни симптоми“, кажа Филипче.
