Во Македонија четврти ден по ред има пораст на бројот на новозаразени со коронавирус, додека Владата најави дополнително продолжување на полицискиот час за Велигден.
- Во последните 24 часа имаше 68 позитивни теста на коронавирус, од кои 18 во Куманово, 15 во Скопје, 14 во Прилеп, 10 во Струга, шест во Велес, два во Тетово и по еден во Битола, Гостивар и Кочани.
- Ова произлезе од 404 тестирања.
- Вкупната бројка заразени во Македонија порасна на 828, од кои 34 починале, а има и 41 заздравен пациент.
- Македонија ги брои последните часови од најдолгата општа забрана за движење досега, а Владата најави дополнително заострување на оваа мерка за следниот викенд, кога е Велигден.
- Според министерот за здравство Венко Филипче, се предлага полициски час непрекинато да трае од петок попладне до вторник наутро, а прво олеснување на рестрикциите би требало да има во првата половина на мај.
- На светско ниво досега има над 1,8 милиони заразени и над 112.000 починати.
