Српската актерка Оливера Балашевиќ на 15 март ќе гостува во Македонскиот народен театар (МНТ) со монобајката „Презимето на розата“. Претставата е во нејзина режија.
Шеесет и петгодишната Балашевиќ е и писателка, чиј сопруг беше легендарниот музичар Ѓорѓе Балашевиќ, кој почина во 2021.
Од МНТ велат дека „Презимето на розата“ е автентична драма на театарот на исповеди, која ја води публиката низ сеќавањата на авторката на книгата „Планетата двор“ (Планета двориште).
„Низ очите на девојчето кое е пораснато покрај брегот на Бегеј, патот на сеќавањето води од детството полно со љубов, но лишено од привилегиите на нејзините врсници, до студентските денови во Нови Сад и љубовта, поезијата, семејството. ‘Презимето на розата’ е емотивна приказна за најважните вредности на животот, за времето што нè чека да го исполниме со спомени, за борбите и одлуките што не се лесни, но се неизбежни“, велат од МНТ.
Асистентка на режисерката е Јелена Балашевиќ, а дизајнер на светло е Бранислав Агарски.
По претставата ќе има промоција на романот „Планетата двор“ .
Фото: Л. Сарач
