Традиционалниот Вевчански карневал годинава помина само со поскромно дефиле на маските, а се откажа забавниот дел од програмата.
![](https://smart.sdk.mk/wp-content/uploads/2024/01/Image00007.jpg)
Градоначалникот Спасе Кочовски кажа дека концертот на кој требаше да настапат Наум Петрески и други фолк-пејачи, е откажан поради смртта на млад жител на Вевчани. Не се изигра ниту традиционалното карневалско оро, а во угосителските објекти нема музика.
![](https://smart.sdk.mk/wp-content/uploads/2024/01/Image00012.jpg)
Станува збор за синот на поранешниот пратеник Крсто Мукоски кој ноќеска излетал од регионалниот пат кон Вевчани, во близина на село Подгорци, струшко. Возачот загинал во несреќата.
![](https://smart.sdk.mk/wp-content/uploads/2024/01/Image00009-1.jpg)
„Ова е најтажниот карневал во Вевчани досега. На никого не му е до музика“, ни изјави жена од Вевчани која живее во Скопје и секоја година за Василица оди во родното место за да го гледа карневалот.
![](https://smart.sdk.mk/wp-content/uploads/2024/01/Image00005.jpg)
Сношти во Вевчани, концерт одржаа Игор Џамбазов и Гуру Харе со бендот, и групата „Нокаут“.