Речиси е време за почетокот на последното поглавје на серијата „Круната“. Првиот дел од шестата сезона ќе започне со емитување на 16 ноември на „Нетфликс“, а вториот дел за помалку од еден месец подоцна, на 14 декември.
Блокбастерската серија наградена со Еми дава измислен приказ на животот на британската кралица Елизабета Втора. Шестата сезона ќе ги опфати главните кралски настани од 1997 до 2005 година, вклучувајќи ги свадбата на Чарлс и Камила, врската на Дијана со Доди Фаед, златниот јубилеј на кралицата и надежната универзитетска романса помеѓу принцот Вилијам и Кејт Мидлтон, при што првиот дел се фокусира повеќе на Дијана.
„Сезоната 6 ќе продолжи со приказната на принцезата Дијана, а првите четири епизоди ги истражуваат настаните околу нејзината трагична смрт во 1997“, се вели во соопштението на „Нетфликс“.
Оттаму откриваат дека во првата епизода од шестата сезона ќе се затвори поглавјето за еден од најпознатите ликови во серијата, принцезата Дијана.
(Фото: Гети)
