Организаторите на Европското фудбалско првенство во Германија ја претставија новата топка со која ќе се играат натпреварите следната година и таа содржи вградена технологија што ќе им помага на судиите во ВАР-собата при спорни ситуации. Топката произведена од „Адидас“ се вика Fussballliebe (љубов кон фудбалот), а нејзиниот шарен дизајн ја одразува енергијата на настанот.
Првенството ќе се игра во десет германски градови, почнува на 14 јуни 2024, а финалето е на 14 јули на Олимпискиот стадион во Берлин.
Технологијата вградена во топката ќе овозможи да се следат сите елементи од нејзиното движење и ќе им помага на судиите.
