Редок примерок на првиот број на стрипот на „Марвел“ се продаде на аукција во Далас за 1,26 милиони долари.
Наречен „Марвел комикс број еден“, тој излегол на 1 октомври 1939 година и во него се појавиле ликовите Хјуман Торч, Ка-Зар, Ејнџел, Саб-Маринер и Мескд Рејдер. Името на новиот сопственик не е објавено.
„Ова е историски примерок на историски стрип. Исто така, ова е најдобро зачуван познат примерок на првиот број“, изјави потпретседателот на аукциската куќа „Херитиџ“, Ед Џестер.
Ова е рекордна сума платена за стрип на „Марвел“, но не е и најскап стрип воопшто. Тој статус му припаѓа на првиот стрип во кој се појавил Супермен, што во 2014 година се продал за повеќе од 3,2 милиони долари.
