Во организација на „Охо продукција“, од 12 до 14 август во потпелистерските села ќе се одржува првото издание на фестивалот „Егнатија искејп“ (Egnatia Escape), кој ќе спои музика, храна и природа.
Програмата ќе се одвива во селата Трново, Дихово и Цапари, а во музичкиот дел ќе настапат „Летечки пекинезери“, Дина Јашари, Пијан Славеј и Исмаил Лумановски со „Љубојна“ и Панајотис Андреу, како и диџеи.
В сабота во Дихово ќе се одржи работилница за берење и приготвување печурки насловена „Магичниот свет на печурките“, а следниот ден во Цапари ќе се организира работилница за приготвување и печење леб.
