Научниците повторно открија редок вид на камелеон кој за последен пат бил забележан на Мадагаскар пред 100 години.
Истражувачите од Мадагаскар и Германија кажаa дека откриле неколку примероци од Фелцков камелеон за време на експедиција во североисточниот дел на островот. Генетските анализи што ги направи Баварското зоолошко друштво покажаа дека овој вид е тесно поврзан со Лабордов камелеон.
Истражувачите веруваат дека двата вида живеат само за време на сезоната на дождови, односно се изведуваат од јајца, растат брзо, наоѓаат и се парат со партнер и потоа умираат во рок од само неколку месеци.
„Овие животни се како инсектите еднодневки меѓу ‘рбетниците“, вели Франк Глав, куратор за рептили и водоземци во Баварското зоолошко друштво.
