Со Снуп Дог никогаш не е здодевно.
Последно што му падна на ум е да влезе во Гинисова книга на рекорди и ова му успеа откако го направи најголемиот коктел на светот.
Американскиот рапер и актер го изведе ова на фестивалот „Ботл Рок Нејпа Вели“, а во правењето на „рајскиот коктел“ со џин и џус му помагаа колегата Ворен Џи и славниот готвач Мајкл Волтаџо.
Снуп истури 180 шишиња од џинот „Хендрикс“ и 154 шишиња бренди од кајсија во 150 сантиметри висока и 90 сантиметри широка чаша, што потоа до врв ја дополни со џус од портокал. За ваков коктел имаше и соодветни чадор и цевка за пиење, кои беа со должина на просечен човек.
Севкупно, коктелот содржеше 550 литри течност, доволно за забава со 100 гости.
Снуп за својот рекорд доби и потврда од претставниците на Гинис.
