Собранието доцна синоќа ја изгласа новата Влада, на чие чело ќе биде лидерот на ВМРО-ДПМНЕ Христијан Мицкоски. Тој е 13. премиер од осамостојувањето на Македонија.
- Новата влада доби поддршка од 77 пратеници, додека 22 гласаа против.
- Во гласањето не учествуваа пратениците од коалицијата Европски фронт на чело со ДУИ, кои претходно ја напуштија салата.
- Новата, 20. влада по ред има 24 члена: 15 од коалицијата предводена од ВМРО-ДПМНЕ, шест од коалицијата Вреди и два од Движењето ЗНАМ.
- Тимчо Муцунски на 34 години стана министер за надворешни работи, а Панче Тошковски ќе го води Министерството за внатрешни работи.
- Секторот одбрана го доби Владо Мисајловски, Гордана Димитриевска-Кочовска е министерка за финансии, а актерот Зоран Љутков министер за култура и туризам.
- Здравството ќе го води Арбен Таравари, министер за правда е Игор Филков, а за образование и наука Весна Јаневска.
- Владата има и петмина вицепремиери: Изет Меџити, Александар Николоски, Арбен Фетаи, Љупчо Димовски и Иван Стоилковиќ.
Фото: К. Попов
