Претседателот Стево Пендаровски ја продолжи вонредната состојба во земјата за уште 30 дена, на денот кога првпат беше регистрирана трицифрена бројка новозаразени со коронавирусот.
- Во последните 24 часа се потврдени дури 107 позитивни теста на коронавирус, најмногу во еден ден досега.
- Од нив, 28 се во Скопје, а 44 во Куманово, вклучувајќи го и градоначалникот Максим Димитриевски.
- Поради вчерашната средба со Димитриевски, од денеска во изолација се техничкиот премиер Оливер Спасовски, вицепремиерот Бујар Османи, министерот за здравство Венко Филипче и министерот за култура Арбр Адеми.
- Во Македонија досега има 1.081 случај на зараза, најмногу во Скопје (367) и Куманово (306).
- Педесетгодишен маж од Струшко е 46. жртва на КОВИД-19 во Македонија.
- Вкупно заздравиле 121 лице, од кои 23 се нови.
- Во услови кога Собранието е распуштено, претседателот Пендаровски прогласи нова 30-дневна вонредна состојба во земјата.
- На светско ниво досега има повеќе од 2,1 милион заразени и над 142.000 починати од КОВИД-19.
