Велешкото трио „Дамар“ настапи во Рим на фестивалот Кончерти дел Темплето, каде што премиерно ја изведе композицијата „Македонска елегија“. Концертот на Менка Богоевска, Васил Богоевски (виолина) и Илија Настовски (пијано) се одржа во античкиот театар Марчело во срцето на Рим. Фестивалот одбележува 35 години постоење.
„Дамар“ настапи со дела од Бах, Вивалди, Пахелбел, Шостакович и Крајслер, а беше изведена и композицијата „Македонска елегија“, која претставува сплет од народните песни „Што ми е мило на Којник дуќан да имам“, „Елено ќерко“ и „Дафино вино црвено“, во аранжман на Трајче Малинов и Илија Настовски.
П. ПЕЧКОВ
