Што значи среќа е различно за секој поединец и може да се смени во текот на животот: љубов, цел, пари, здравје, слобода, пријателство, романса, добра работа. Д-р Роберт Валдингер, директорот на Харвардската студија за развој на возрасни, која започна во 1938, вели дека за среќа се важни многу нешта, но клучен е еден главен фактор: квалитетни односи.
„Она што го откривме е дека е важно да останеме активно поврзани со барем неколку луѓе, бидејќи на сите ни треба чувство на поврзаност со некого додека поминуваме низ животот. И луѓето кои беа поврзани со други живееја подолго и останаа физички поздрави од луѓето кои беа поизолирани. Тоа беше изненадувањето во нашата студија: не дека луѓето беа посреќни, туку живееја подолго“, изјави Валдингер за Си-Ен-Ен.
Тој рече дека невролошките истражувања сугерираат дека луѓето кои се изолирани или се чувствуваат осамено се под поголем стрес.
„Тие имаат имунолошки системи кои не функционираат исто така добро, така што полесно добиваат инфекции. И тоа хронично воспаление ги разградува телесните системи. Дополнително, луѓето кои се изолирани немаат никого да внимава на нив. Ако можам да се пожалам на жена ми или да повикам пријател, буквално ќе почувствувам дека моето тело се смирува кога сум вознемирен“, рече Валдингер.
(Фото: Гети)
