Во Црна Гора веќе 20 дена трае најбизарното натпреварување во Европа, на кое годинава е поставен нов рекорд. Во етно-селото Брезна близу Никшиќ се одржува натпреварување во легачење, а од почетните 21 учесник, досега се откажаа 14. Преостанатите седуммина се борат за наградата од 1.000 евра.
„Цел живот слушаме шеги и вицови за Црногорците, па дојдовме на идеја да направиме едно вакво натпреварување. Ова веќе не е регионално, туку меѓународно натпреварување. Имавме учесници и од Русија и Украина. Не знам дали наградата од 1.000 евра е мотивот што лежат олку долго, но упорни се“, изјави еден од организаторите Борис Круниќ.
Уште првиот ден се откажаа тројца натпреварувачи, а рекордот беше соборен откако се стигна до 250 часа непрекинато легачење.
Учесниците имаат право на секои осум часа да одат на веце на десет минути, а храната и пијалаците им се носат. Додека лежат, смеат да користат телефон, лаптоп и книги, а повремено ги проверуваат лекари.
(Фото: Гети)
