Режисерот Џејмс Ган ќе направи трансфер од универзумот на Марвел во универзумот на Ди Си комикс.
Откако беше отпуштен од „Дизни“ и франшизата „Чувари на галаксијата“ поради стари навредливи твитови, тоа, сепак, не значеше крај на неговата кариера во Холивуд и шанса за нов почеток ќе му даде „Ворнер брос“.
Ган, за чие останување во „Чувари на галаксијата“ се потпишуваа петиции, е ангажиран да го напише сценариото за вториот дел на „Одредот на отпишаните“, а можеби и ќе го режира филмот.
Првиот дел на „Одредот на отпишаните“ (2016) беше режиран од Дејвид Ајер и вклучи ѕвездена актерска постава, на чело со Вил Смит, Џеред Лето и Марго Роби. Филмот на светско ниво заработи 750 милиони долари.
