Музичката платформа „Терапија“ од Скопје учествуваше на експофестивалот „Мјуз-икс“ во Тирана.
„Фестивалот се одржа на плоштадот Италија и обедини креатори на културната сцена, млади уметници и музички професионалци од Балканот, Велика Британија и остатокот на Европа. Фестивалот беше отворен во присуство на заменичка-министерката за економија, култура и иновации и министерот за млади, а плоштадот беше исполнет со забава, музички настапи, конференции, креативни панели и директни интеракции со преку 100 претставници на водечки музички компании. Ја претставивме на вистински начин македонската култура“, велат од „Терапија“.
Овој настан обедини хип-хоп, електроника и рок, создавајќи простор каде што музиката и уметноста се спојуваат на уникатен начин.
