Холивудската актерка Кејт Бланшет ќе биде гостин-предавач на Универзитетот Оксфорд. Двократната добитничка на Оскар ќе предава современ театар на Колеџот Сент Кетрин во текот на академската 2026/27 година. Оваа пракса е воведена во 1990, а досега предавале и Ијан Мекелен и Дијана Риг.
„Ова е возбудлива можност за мене да бидам во директен и динамичен креативен дијалог со следната генерација мислители и креативни дејци“, изјави австралиската ѕвезда.
Бланшет доби Оскар за филмовите „Авијатичарот“ и „Тажната Јасмин“, а има играно и на театарските сцени на Вест енд и Бродвеј.
(Фото: С. Чи)
