Матеј Петров е победник на годинашното издание на Слем поетри Македонија, кое по 14. пат се одржа во Прилеп. Тој пред публиката настапи со песните „Слика“ и „Преку леб, погача“.
Со минимална разлика во гласови во однос на победникот, второто место го освои Виктор Спасески од Прилеп, а третото го поделија четири учеснички. Петров следната година ќе биде претставник на Македонија на Европското слем првенство.
На годинашниот натпревар се претставија дваесетина учесници, кои настапија со свои поетски и прозни дела.
Слем поетри Македонија досега има испратено деветмина претставници на Европското слем првенство, како и двајца на Светското слем првенство. На годинашниот Европски поетски слем, кој ќе се одржи во Кошице, Словачка, ќе настапи Миланчо Пендев од Кавадарци.
