„Гардијан“ објави критика за документарниот филм на Бијонсе, „Ренесанса“ кој излезе во петокот. „Ренесанса“ е документарен филм за светската турнеја на пејачката која соборува рекорди. Филмот ја прикажува Бијонсе на сцената и надвор од неа, спојувајќи ги нејзините настапи со повеќе секојдневни видеа.
„Новото издание на пејачката нуди не само блескав професионализам во сценското шоу, туку и многу акција зад сцената. На ниво на чиста професионалност, тоа е врв: танцот, графиката, безбројните костими, реквизитите и беспрекорниот глас на Бијонсе“, вели критиката на „Гардијан“.
„Дејството се префрла помеѓу различни шоуа од нејзината турнеја, како да сака да нагласи колку костими се направени. Но, на секои неколку песни, музиката паузира и Бијонсе (која го режира и го раскажува филмот) нѐ носи зад завесата. Таа се труди да ни покаже колку ѝ е посветена на работата и на персоналот кој е вклучен во таков огромен потфат, и колку е таа лично вклучена во секоја фаза од процесот. Но, поинтригантни се моментите кога ја гледаме надвор од сцената. Има дел за тоа како нејзината најстара ќерка Блу Ајви стана танчарка во шоуто, на пример. Највлијателен е сегментот за починатиот семеен пријател Џони, кого обожавателите го знаат од нејзиниот стих ‘Чичко Џони ми го направи фустанот’. Тој ја научи Бијонсе што е хаус музика, и навистина рачно ѝ ги правеше фустаните, кога таа започнуваше со групата ‘Дестини чајлд’“, вели „Гардијан“.
