Познати солистки од Националната опера и балет (НОБ) ќе учествуваат на донаторскиот гала концертот „Жените на Пучини,“ кој ќе се одржи на 19 ноември од 20 часот во фоајето на Операта.
Концертот се одржува по повод одбележувањето на стогодишнината од смртта на италијанскиот композитор Џакомо Пучини.
Ќе бидат изведени 12 арии, од осум истакнати солистки од Операта: Весна Ѓиновска-Илкова, Сандра Митровска, Павлина Новакова- Георгиев, Злата Тошевска Димовска, Александра Лазаревска Василевски, Катерина Стојановска, Биљана Јосифов и Илина Митревска со пијано придружба на Андреј Наунов. Режисер е Дејан Прошев.
„Настанот вклучува богата културна и гастрономска програма“, велат од Операта. Билетите по цена од 3.000 денари се продаваат во Операта и онлајн на нивната страница.
