Младински културен центар во Скопје објави дел од музичката програма од целодневната прослава на својот 50. роденден, што ќе се случи на 28 декември.
Спојувајќи ги минатото и сегашноста на македонската урбана музичка сцена, во Денсинг салата на МКЦ ќе настапат „Бадмингтонс“, „Санаториум“, „Чиста околина“, Дина Јашари и другари, „Суперхикс“ и „21 век“. Влезот ќе биде бесплатен, а концертите ќе почнат во 21 часот.
Од МКЦ велат дека во следните денови ќе има уште многу објави поврзани со прославата на големиот јубилеј.
