Денеска (16 мај) од 20 часот, во Филхармонијата ќе се одржи концертот „Искра“. Како солист ќе настапи еден од најуспешните црногорски и европски виолинисти Роман Симовиќ, кој е концерт-мајстор во Лондонскиот симфониски оркестар, Марински театарот и Минхенската филхармонија.
Симовиќ ќе го свири Концертот за виолина и оркестар бр. 1 од Димитриј Шостакович. На програмата се и Адаџото за гудачкиот квинтет во Ф-дур од австрискиот композитор Антон Брукнер и Симфонијата бр. 5, оп. 55 во Б-мол од Александар Глазунов, наречена „Херојска“.
На концертот ќе диригира маестро Даниел Рајскин од Русија. Во 2005 Рајскин стана шеф-диригент на Рајнската филхармонија, а во 2008 на филхармонијата „Артур Рубинштајн“ во полскиот град Лоѓ.
