Владо Јаневски ќе одржи предновогодишен концерт во Скопје, во салата „Јане Сандански“ на 27 декември, објави „Авалон“.
При крајот на 2023 и во јануари годинава Јаневски одржа пет концерти во Филхармонијата, со кои прослави 30 години кариера и еден полн концерт во август во Антички театар во Охрид.
Владо Јаневски е првиот македонски претставник на Евровизија, во Бирмингем во 1998, со песната „Не зори зоро“.
Од „Авалон“ го нарекуваат концертот „Чаирчанец во Аеродром“, а билетите се во продажба преку мрежата на ticketx.mk по цена од 700 до 1.500 денари. Јаневски ќе настапи со својот осумчлен бенд.
