Редок вид горила е снимен за првпат по долги години во планините во јужна Нигерија, објавија конзерваторите.
Познато е дека во дивина живеат само уште 300 единки од западноречната горила, што ја прави најзагрозен подвид на светот. Друштвото за заштита на див свет од Нигерија вели дека овие фотографии ги зголемуваат надежите дека овие горили се размножуваат и би можеле да бидат спасени од исчезнување.
На фотографиите снимени со тајни камери во планините Мбе се забележуваат седум западноречни горили од различна возраст, од кои некои се навистина млади.
Овие горили екстремно ретко можат да се видат зашто избегнуваат секаков контакт со луѓето, а живеат на најнедостапните терени во Нигерија и Камерун. Според Светскиот фонд за природа, западноречната горила е најреткиот вид човеколики мајмун на светот.
