Српскиот кошаркар Никола Јокиќ испиша историја во победата на неговиот Денвер над Мемфис од 122:109, откако стана првиот играч во НБА лигата кој остварил 2.000 поени, 1.000 скокови и 500 асистенции во една сезона.
„Трката за МВП нема конкуренција. Во лигата има и други одлични играчи, но она што го прави Јокиќ оваа сезона е неверојатно. Тој беше добар минатата година, но оваа е уште подобар“, изјави тренерот на Денвер, Мајкл Малоун.
Против Мемфис, Јокиќ имаше скор од 35 поени, 16 скока и шест асистенции.
Јокиќ ја игра седмата сезона во НБА, сите со Денвер и лани беше прогласен за најкорисен играч во лигата.
