Холивудските ѕвезди Зендаја и Том Холанд се свршиле, објавија сајтот „ТМЗ“ и магазинот „Пипл“, повикувајќи се на свои извори.
За ова почна да се шпекулира откако 28-годишната американска актерка се појави со голем дијамантски прстен на левата рака на церемонијата на доделувањето на Златните глобуси, што привлече големо внимание кај медиумите. „ТМЗ“ прв ја објави веста за свршувачката, повикувајќи се на извор близок на двојката, додека „Пипл“ добил потврда од „семеен извор“.
Друг извор рекол за магазинот дека Холанд ја споделил веста со пријатели околу Нова година.
Зендаја и британскиот актер се запознаа на снимањето на филмот „Спајдермен: Враќање дома“ од 2017. Врската ја почнале четири години подоцна и брзо станаа една од омилените холивудски двојки, иако ретко зборуваат јавно за својот приватен живот.
(Фото: Гети)
