Стивен Сигал отпатува за Москва среде руската инвазија на Украина за да го прослави 70. роденден со соработници на Владимир Путин. Меѓу нив имаше и лица кои се најдоа под западните санкции, како медиумските личности Владимир Соловјев и Маргарита Симоњан.
Сигал притоа беше снимен како им изразува љубов и поддршка на присутните.
„Вие сте мое семејство, мои пријатели. Ве сакам и ќе бидам со вас и во добро и во зло“, вели Сигал на снимката.
Сигал е долгогодишен пријател на Путин, кој му даде руски пасош во 2016 и две години подоцна го назначи за специјален претставник на Русија во САД. Двајцата се снимени заедно во многу прилики и Сигал своевремено го опиша Путин како најголемиот жив светски лидер.
