Двојниот оскаровец Ентони Хопкинс откри дека сфатил дека му е потребна помош да се откаже од алкохолот откако една ноќ возел во пијана состојба.
Осумдесет и седумгодишниот актер се присети дека бил многу пијан на 29 декември 1975 и после таа ноќ отишол да бара помош и сега е трезен половина век.
„Во тоа време се забавував, но потоа сфатив дека сум во голема, голема неволја. Да се забавувате е прекрасно, да пиете е добро. Но, ако имате проблем со алкохолот, побарајте помош“, рече Хопкинс.
Во 2018, Хопкинс зборуваше за својата битка со алкохолизмот со група студенти на Универзитетот во Калифорнија. Призна дека бил многу тежок за работа на почетокот на неговата кариера бидејќи често бил мамурен.
„Не требаше да ми се верува додека пиев“, рече Хопкинс.
(Фото: Гети)
