Утревечер (27 декември) од 18.30 часот во книжарницата „Литература“ во скопскиот трговски центар „Дајмонд мол“ ќе се одржи детската претстава „Трите самовили го бараат Дедо Мраз“, наменета за деца од 5 до 13 годишна возраст.
„Трите самовили го бараат Дедо Мраз“ е претстава со жива изведба на новогодишни песни на лимени дувачки инструменти. Приказната зборува за трите самовили: Муза, Нота и Песна, кои тргнуваат во потрага по
Дедо Мраз.
Во улогата на Нота е Тина Иванова, Муза е Симона Гајдоска, а Песна ја игра Дијана Илкоска Имери. Дедо Мраз на туба е Александар Ниниќ, првото џуџе на тромбон Бранко Илиевски, второ џуџе на тромбон Никола Ристевски
и прво џуџе на туба е Ник ДеКарло.
Претставата е едукативна приказна и е во продукција на „Музичка кутија“.
