„Нетфликс“ го објави датумот на премиерата на петтата сезона на серијата „Ти“ (You), која воедно ќе биде и последна.
Новите епизоди ќе почнат да се прикажуваат на 24 април и во краткиот опис на сезоната стои дека „Џо Голдберг се враќа во Њујорк за да ужива во својот нов, среќен и совршен живот, сѐ додека не му се заканат духови од минатото и неговите лични мрачни желби“.
„Нетфликс“ во март 2023 објави дека серијата ќе заврши со петтата сезона. Покрај Пен Беџли, во последната сезона се враќа и Шарлот Ричи, која ја глуми новата љубов и опсесија на Голдберг, Кејт Галвин.
„Ти“ дебитираше на „Лајфтајм“ во 2018, но беше откажана по првата сезона, по што беше преземена од „Нетфликс“ и стана голем хит. Четвртата сезона беше објавена во два дела, во февруари, па во март 2023.
(Фото: Нетфликс)
