СОС Детското село започна со кампањата „Ниту едно дете да не расте само“ со порака „топол дом и грижа за децата без родителска грижа за празниците“.
Кампањата е со цел преку веб страницата на СОС детското село, граѓаните со месечни донации да го покријат трошокот за дополнителна едукативна поддршка за едно дете во текот на една година. За кампањата е снимена и видеопорака за да ги поттикне луѓето да донираат.
„Секое дете заслужува среќно и безгрижно растење. Во изминатите 22 години, СОС Детско село ги поддржува згрижувачките семејства за децата без родителска грижа да растат со љубов, грижа и семејна топлина. Само со посветена грижа ќе овозможиме нивна сигурна иднина“, велат од СОС Детско село.
