Драмски театар од Скопје со претставата „Хеда Габлер“ утревечер (8 април) гостува во Тиват, Црна Гора, во рамките на регионалниот театарски фестивал РУТА. Фестивалот се одржува од 7 до 12 април во организација на Центарот за култура во Тиват.
Скопската премиера на „Хеда Габлер“ беше на 20 април 2024, а гостувањето во Тиват ќе биде 12. изведба на претставата и втора вон матичната сцена.
„Хеда Габлер“ е работена по текст на Хенрик Ибзен. Режисер е Васил Христов, адаптацијата е на Викторија Рангелова-Петровска и Васил Христов, сценограф е Васил Христов, а костимите се на Розе Трајчевска-Ристоска. Во претставата играат Сања Арсовска, Зоран Љутков, Владимир Петровиќ, Дениз Абдула и Сара Климоска.
Претставата е на редовниот репертоар во Драмски и наредната изведба ќе биде на 24 април.
