Со голема заедничка забава на сите мустаклии од Велес кои го поддржуваат движењето Мовембар, заврши месецот посветен на подигање на свеста за машките болести. На забавата се избираше најмустаќ и мустаќ во обид на Велес.
Главната титула ја понесе Дејан Митров, кој грижливо изминатиот месец пуштал мустаќи како поддршка на светското движење Мовембар. Истовремено беше избран и мустаќ во обид, што годинава е Ѓорѓи Перчинков.
Со едномесечната акција, здружението „Мовембар Велес“ ја менува сликата и ги отстранува предрасудите за машкото здравје. Сите 30 дена од ноември имаше продажна акција на маички, а на забавата во „Паб“ се собираа и парични средства. Дел од нив биле донирани на сограѓанин за лекување. Остатокот ќе се намени за набавка на апарат кој е потребен на уролошкото одделение во Општа болница Велес.
П. ПЕЧКОВ
Фото: Митров (лево) и Перчинков на забавата во Велес
