Мик Џегер изјави дека „Ролинг стоунс“ се надеваат дека ќе одат на турнеја откако на 10 јули го објавија новиот албум „Foreign Tongues“. Претходниот албум „Hackney Diamonds“ од 2023 беше проследен со северноамериканска турнеја во 2024 година.
Ова е втор студиски албум на „Стоунс“ по смртта на тапанарот Чарли Вотс во 2021 и 25-ти откако групата беше формирана во Лондон во 1962 година.
„Се надеваме дека ќе одиме на турнеја. Рони Вудс и јас сме навистина заинтересирани за тоа и се надеваме дека ќе ги видиме сите на турнеја“, изјави 82-годишниот Џегер.
На албумот со 14 песни гостуваат имиња како Пол Макартни, Роберт Смит од „Кјур“ и Чед Смит од „Ред хот чили пеперс“. Џегер рече дека многу од соработките биле случајни.
„Луѓето доаѓаа и нѐ посетуваа во студио. Роберт Смит дојде само да слуша, а јас реков: ‘Роберт, не можеш само да слушаш, мора да пееш‘, па тој пееше и свиреше гитара“, кажа Џегер.
(Фото: АП)
