Кинескиот пијанист Сихенг Сонг вечерва од 21 часот ќе одржи концерт во црквата „Света Софија“ во рамките на Охридско лето.
Сонг е роден во Шангај во 1981 и се смета за еден од истакнатите пијанисти на својата генерација. Добитник е на повеќе меѓународни награди. Настапувал во Токио, Сеул, Пекинг, Шангај, Париз, Берлин и Њујорк, како и на познати европски фестивали.
Од 2010, Сонг работи и на мултимедијални концертни проекти, во кои класичната музика ја поврзува со театарот, уметноста и литературата.
