Полскиот квартет „Глам“ и американскиот пијанист Стен Брекенриџ вечерва (19 август) од 21 часот ќе одржат одржат во црквата Св. Софија во Охрид, во рамките на програмата на фестивалот Охридско лето.
Квартетот „Глам“ го сочинуваат полските инструменталистки Барбара Шелчаејевич која свири прва виолина, Доминика Пјечовјак-Должинска, втора виолина, Каролина Вашчинска-Лукановска на виола и Агњешка Ковалчук на виолончело. Музичарките настапуваат солистички, во камерни состави и во симфониски оркестри, а во своите настапи комбинираат класична музика со поп, рок, хаус, џез и современи музички стилови.
Со нив ќе настапи пијанистот, композитор и автор Стен Брекенриџ, кој во својата кариера настапувал на познати сцени во САД и во повеќе земји во Европа, Азија и Африка.
На програмата се дела од Фредерик Шопен во аранжмани на Брекенриџ, меѓу кои „Свингинг ноктурно“, „Фантазија импромпти“, „Анданте спијанато“ и „Свингинг прелудиум“, како и негови авторски композиции. Ќе бидат изведени и поп евергрини.
