Лондонската дизајнерка Клое Бајнс дизајнираше колекција со облека и накит направени од искористени шатори и метални шипки кои биле оставени после музички фестивали.
Колекцијата насловена „Во шатори: после забава“ ( In Tents: The After Party) е направена во соработка со Бел Смит, кој направи соодветни обетки и прстени од патентите на шаторите.
![](https://smart.sdk.mk/wp-content/uploads/2019/08/in-tents-the-after-party-fashion-design_dezeen_2364_col_20-273x410.jpg)
Во колекцијата има парчиња како куси маички, фустани и здолништа од искористени шатори.
Бајнс вели дека се инспирирала за колекцијата по посетата на фестивал Бумтаун во 2018, кога забележала дека има премногу останати и расфрлани шатори и се запрашала дали може да бидат сошиени заедно на истиот начин како што се прават алишта. Со помош на пријателите собирала искористени шатори од разни места, огранизации и фестивали.
„Предизвик беше да се искористат материјали кои можат да бидат рециклирани. Обврска е на нас дизајнерите да користиме одржливи материјали во модната индустрија за подигање на свеста за отпадот“, рече Бајнс.