Најголемиот светски фестивал на скулптури од снег и мраз се отвори по 39. пат во кинескиот град Харбин. Оваа година, спектакуларниот леден свет се простира на површина од 810.000 квадратни метри и содржи стотици кули, замоци, скулптури и други структури.
Меѓу забавните активности се истакнуваат ледена лизгалка долга 500 метри и панорамско тркало во облик на снегулка високо 122 метри, што е новина на фестивалот.
Целиот мраз доаѓа од локалната река Сонгхуа. Работниците сечеле блокови мраз од реката и со недели ги транспортирале до локацијата на фестивалот, пред да бидат обликувани.
Фестивалот вообичаено трае до крајот на февруари, но тоа сепак зависи од временските услови.
(Фото: АФП/Синхуа)
