Колекцијата „Нецензурирано“ на „Дојче веле“ е дизајнирана за да ги поддржи борбата против цензурата и слободниот пристап до информациите ширум светот. Преку неа, ДВ ја користи модата во кампања за слобода на говорот.
„Изготвивме список на алатки зашиени во секое парче облека, што ќе ви помогне да пристапите до вестите на ‘Дојче веле‘ и други независни медиуми. Сметаме дека треба да бидете во можност да изберете од широкиот опсег на бесплатни медиуми за да одлучите сами. Сакаме да ви помогнеме да ги заобиколите цензурата и дезинформациите каде и да сте“, велат од „Дојче веле“.
ДВ ја направи борбата против цензурата свој основен принцип и работи постојано да обезбеди информации што им се неопходни на луѓето за да ги разберат проблемите и прашањата што ги засегаат нивните општества. Во земјите чии влади го блокираат или ограничуваат пристапот до независни вести луѓето сега можат безбедно и анонимно да пристапат до содржината на ДВ со поддршка на OTF (Open Technology Fund) и Tor Project.
„Преку овие технологии испраќаме порака дека ДВ никогаш нема да се откаже од промоцијата на бесплатен интернет и обезбедување непристрасни, квалитетни вести и информации за сите“.
