На 25 ноември, според сите ковид протоколи, по третпат ќе се избираат мажи на годината во Македонија. Годинава, изборот ќе се врши во поинаков концепт, во формат на шоу и ќе се пренесува на првиот канал на Македонската радиотелевизија.
„Мотивот да ги избереме најуспешните мажи во нашата држава е огромен, пред сѐ, поради ситуацијата со коронавирусот, која ни ги поремети плановите и навиките. Иако се наоѓаме во исклучително тешка година, ние традиционално ќе ги славиме најуспешните мажи и оваа 2020“, изјавија организаторите.
Мажи на годината е настан кој за првпат се одржа во 2018 година, во организација на „Фрајдеј комуникации“ и првиот специјализиран онлајн магазин кај нас www.friday.mk или по ново „Џентлмен магазин“. Во изборот се вклучени голем број на докажани професионалци во разни области, како и целокупната јавност, кои номинираат и даваат свој директен придонес во целиот процес.
За маж на годината во 2018 беше избран лекарот Владимир Чадиковски, а во 2019 тоа беа Мислав Галер и Божидар Јанковски.
