Германскиот уметник Симон Фуџивара направи уметничка инсталација со камената пудра која ја нанесува германската канцеларка Ангела Меркел пред да се појави во јавност. Инсталацијата насловена „Среќен музеј“ е дел од изложбата „Револуција“ во Фондацијата за уметност во близина на центарот „Помпиду“ во Париз.
Шминката на Меркел, која во делото е претставена како фасада и илузија, е специјална формула, што нејзиниот шминкер му ја открил на Фуџивара, велат од Фондацијата.
„Делото поставува прашања за вредностите и спротивностите во денешното општество, во кое секојдневниот живот тешко може да се замисли без ставање на самиот себе на пиедестал и во центарот на вниманието“, вели 36-годишниот уметник роден во Лондон.
