До враќањето на „Игра на тронови“ остануваат уште десетина дена, па Ејч-Би-О организираше голем собир на ѕвездите од серијата на премиерата во Њујорк. Тоа беше можност да се види како нашите омилени ликови изгледаат без оклоп на себе и без оружје во рацете.
Лутите непријатели од серијата заедно прошетаа по црвен тепих, за да ги прослават последните шест епизоди, кои стартуваат на 14 април, но не успеаја да дојдат сите. Лена Хиди (Серсеи Ланистер) пријави дека се разболела, па само ја поздрави екипата преку Инстаграм.
На црвен тепих се појавија и сегашноста и минатото на спротивставените кралски семејства, како сегашните ѕвезди Емилија Кларк, Кит Харингтон и Питер Динклиџ, но и оние кои одамна паднаа во борбата, како Шон Бин, Џејсон Момоа и Педро Паскал.
