Вечерва во 20 часот, Божидар Божиновски, познат како Moџо Килингтон, ќе одржи онлајн промоција на романот „Денот кога не се разбудив“. Книгата е во издание на „Арс Либрис“, дел од „Арс Ламина – публикации“.
Авторот, писател, сценарист и активист на социјалните мрежи ќе се приклучи преку својот профил на Фејсбук. Промоцијата ќе биде интерактивна, па читателите ќе можат да му поставуваат прашања.
„Денот кога не се разбудив“ е негова втора книга, но прв роман, откако лани ја издаде стихозбирката „Аутопсија на љубовта“ („Арс Ламина“). Книгата ќе биде достапна во книжарниците „Литература.мк“ и ќе може да се нарача онлајн преку www.literatura.mk, каде што ќе биде со 30% попуст.
