Денеска во 10 часот, во Чифте амам ќе биде отворен мултимедијалниот проект „Везење во камен” на Моника Мотеска. Просторот ќе биде анимиран со меѓусебно поврзани визуелни дела, од класични цртежи и слики до видео и аудиоинсталации. Кустос на изложбата е Ана Франговска.
Инспирацијата за концептот Матоска ја пронаоѓа во своите корени: нејзиниот роден Прилеп, предметите од семејната куќа, приказните на баба ѝ, како и во макотрпната работа на македонскиот народ, тутуноберачите, мермерот, вечната борба помеѓу животот и смртта, опстојувањето и оставањето трага.
Мотеска досега имала околу 20 самостојни изложби во земјата и во странство, а учествувала и на голем број групни изложби.
К. СЕЛАМОВСКА
