ПРЕМИЕРА НА „НЕМА ДА ПЛАТАМ“ ВО ТЕАТАР КОМЕДИЈА

Скопје, (СМАРТ СДК.МК)

Вечерва во 20 часот, во Театар Комедија премиерно ќе се изведе претставата „Нема да платам“ од Дарио Фо, во режија на Александра Кардалевска.

Играат Атанас Атанaсовски, Валентин Костадиновски-Тино, Зорица Нушева, Жаклина Петровска и Александар Михајловски.

„Политичката сатира на Дарио Фо, добитникот на Нобелова награда за литература, драмски писател, сценарист, режисер, актер и борец за човекови права и еднаквост, ги пресликува реакциите на потрошувачите против зголемувањето на цените и е провокативна реакција против злоупотребите и неправдите на општеството“, најавува театарот.

Драматург на претставата е Дарко Јан Спасов, сценографијата е на Зоран Ѓурески, а костимите на Маја Ѓуреска и Антонија Гунинска-Јорданоска. Изборот на музика го направи Александар Јорданов. Репризата е на 22 јануари.